भदौ १९ , २०८१ ललितपुर: कोन्ज्योसोम गाउँपालिकाले राष्ट्रिय परिचय पत्र वडा वडाबाटै धमाधम वितरण गर्न थालेको छ । स्थानीय नागरिकलाई राष्ट्रिय परिचय पत्र वितरणमा सहजता होस भन्ने उद्देश्यले गाउँपालिकाले राष्ट्रिय परिचय पत्र वितरण कार्य वडा वडामा नै वितरण गर्न थालेको हो ।

वडा नंं १ बाट सुरु गरिएको परिचय पत्र वितरण कार्य वडा नंं ५, ४, ३ हुँदै २ नं. वडामा वितरण गर्ने योजना रहेको गाउँपालिकाले जनाएको छ ।

अन्य पालिकामा राष्ट्रिय परिचय पत्र लिन झन्झटिलो भइरहेको बेला कोन्ज्योसोमले भने सहज रुपमा राष्ट्रिय परिचय पत्र वितरण गर्न सुरु गरेको हो ।