फागुन १०, २०८० काठमाडौँ: सांसद चन्द्र भण्डारीले गाँजा खेती गर्न दिनुपर्ने बताएका छन् । बिहीबार बसेको संसद् बैठकलाई सम्बोधन गर्दै उनले यस्तो बताएका हुन् । “गाँजा खेती गर्न दिनुपर्छ । तर, कानून बनाउनुपर्छ ।”

अगाडि उनले भने, “न्यूयोर्क सिटीका मेयरले गाँजा खान दिन्छ । अनि हामीले खेती गर्नसम्म नदिने ? मुलुक कसरी माथि उठ्छ ?”

यस्तै उनले नेपालभित्रै नेपाली खोज्नुपर्ने अवस्था आएको बताए । “अब त यस्तो भयो कि अवस्था, नेपालभित्रै नेपाली खोज्नुपर्ने भयो,” उनले भने । युवाहरू देशभित्रै रहने केही कार्यक्रम अगाडि बढाउनुपर्ने उनले बताए । सरकारलाई उनले भने, “केही गरौँ न, जसले युवाहरू देशमै रहून् ।”