फागुन ३, २०८० काठमाडौँ: निर्वाचन आयोगले दर्ता भएका राजनीतिक पार्टीलाई १५ बुँदे निर्देशन दिएको छ।

राजनीतिक दल सम्बन्धी ऐन, २०७३ अनुसार सबै दललाई आआफ्ना विवरण बुझाउन आयोगले निर्देशन दिएको हो । आयोगको बिहीबारको निर्णय अनुसार निर्देशन दिइएको आयोगका सहायक प्रवक्ता थानेश्वर भुसालद्वारा जारी विज्ञप्तिमा उल्लेख छ ।

निर्देशनमा आयव्ययको हिसाबकिताब बुझाउनुपर्ने, नाम, विधान, झन्डा, छाप, चिह्न परिवर्तन भएको भए आयोगमा अद्यावधिक गर्न भनिएको छ । दलहरूले केन्द्रीय पदाधिकारी तथा सदस्यको सम्पत्ति विवरण संकलन गर्ने र विवरण बुझाए/नबुझाएको आयोगमा जानकारी गराउनुपर्ने प्रावधान छ ।