भदौ ३, २०८० काठमाडौँ : नेपाल वायु सेवा निगमले साउदी अरेबियाको दमाममा सिधा उडान गर्ने भएको छ। नेपाल एयरलाइन्सले २० गतेदेखि काठमाडौंबाट दमाममा नियमित सिधा उडान गर्ने गरी आजदेखि टिकट बुकिङ खुला गरिएको निगमका प्रवक्ता रमेश पौडेलले बताएका हुन ।

उडान तालिका अनुसार काठमाडौं–दमाम–काठमाडौं सेक्टरमा निगमले साताको दुई दिन बुधबार र शनिबार उडान गर्ने र बजारको माग तथा निगमको बजार व्यवस्थापनअनुसार उडानको संख्या बढाउँदै लैजाने योजना रहेको निगमका प्रवक्ताले जानकारी दिए।

यात्रुहरुले निगमको कार्यालय वानिगमको वेवसाइट www.nepalairlines.com.np मा log on गरि online बाट वानजिकको ट्राभल एजेन्सीबाट टिकट लिई सहज रुपमायात्रा गर्न सक्नु हुनेछ । यसबाट यात्रुहरुलाई थप सुविधापुग्ने निगमले विश्वास लिएको छ ।