• 6:37 pm

मधेशी आयोगको अध्यक्ष डा.दत्त भारत जादै, भारतीय महिला आयोगकी अध्यक्ष संग भेट हुने

प्रकाशित मिति

२०८० श्रावण २२ गते, सोमबार ११:१४

२२ श्रावण २०८०, काठमाडौँ : मधेशी आयोगका अध्यक्ष डा.विजयकुमार दत्त सोमबार भारत जाने कार्यक्रम निश्चित भएको छ । सोमबार दिउँसोको नेपाल एयरलाइन्सको विमान द्वारा अध्यक्ष डा.दत्त भारत जान लागेको अध्यक्ष डा.दत्तको सचिवालयले जानकारी दिएको छ ।


शैक्षिक तथा धार्मिक भ्रमणको लागि भारत जान लागेका दत्तले मंगलबार राष्ट्रिय महिला आयोग, भारतकी अध्यक्ष रेखा शर्मा सहित अन्य उच्चपदस्थ अधिकारीहरु संग भेटघाट गर्ने कार्यक्रम रहेको सचिवालयले जानकारी दिएको छ । २०२२ मा दुवै आयोगको अध्यक्षको भर्चुवल बैठकमा महिला आयोगकी अध्यक्ष शर्माले मधेशी आयोगका अध्यक्ष डा.दत्तलाई भारत भ्रमणको औपचारिक निम्तो दिएकी थिइन् ।


सो भेटघाटमा आगामी दिनहरुमा दुई देशका अधिकारमुखी आयोगहरुले कुन रुपमा सहकार्य गरी अगाडी बढ्ने विषयमा छलफल हुने भएको छ । अध्यक्ष डा.दत्त श्रावणको अन्तिम हप्तामा नेपाल फर्किने कार्यक्रम रहेको छ ।

 

 

प्रतिकृया