२० असार २०८०, काठमाडौँ: नेपालमा पहिलोपटक पाठेघरको मुखको क्यान्सर गराउने भाइरस ह्युमन प्यापिलोमा भाइरस (एचपीभी) विरुद्धको खोप भित्रिएको छ । चीनको सिकोलिन कम्पनीको २० हजार डोज खोप मंगलबार नेपाल आइपुगेको होे ।

यसअघि पाइलट प्रोजेक्टका लागि थोरै मात्रामा खोप ल्याइएको थियो । यसपटक भने सरकारले खरिदमार्फत् नै २० हजार डोज ल्याएको स्वास्थ्य सेवा विभागका खोप शाखा प्रमुख डा. अभियान गौतमले बताए ।

यो खोप १० देखि १४ वर्षका बालिकालाई दिने सरकारको योजना छ । खोप ६ हप्ताको फरकमा दुई डोज दिनुपर्ने हुन्छ । आगामी दिनमा नियमित खोप ल्याउनका लागि ग्लोबल भ्याक्सिन अलायन्स (गाभी)लाई आग्रहसहित निवेदन दिइएको डा. गौतमले बताए ।