• १०:५७ २०८० चैत्र १६ गते
  • 10:57 am

खेल र खेलाडीले देशको ओज र तेज बढाउँछ : पूवमन्त्री एवं कांग्रेसका नेता राजेन्द्र कुमार केसी

प्रकाशित मिति

२०७९ फाल्गुन २८ गते, आईतवार ११:०१

rrr e1678598068708

२८ फागुन, २०७९, काठमाडौँ: स्वास्थका लागि खेलकुद, राष्ट्रका खेलकुद भन्ने नारा सहित काठमाडौं जिल्लाको दक्षिणकाली नगरपालिका वडा नं. १ स्थित घट्टेचौरमा नेपाल सिनक्योकुसिन काई कराते संघ चाल्नाखेलद्वारा आयोजित तेस्रो मेयर कप राष्ट्रिय पुरुष तथा महिला तौल समूह तथा केविन रोहण स्मृति उपत्यका व्यापी सिनक्योकुसिन फुल कन्ट्याक्ट कराते प्रतियोगिता भव्यताका साथ उद्घाटन गरिएको छ ।


 प्रमुख अतिथि माननीय सांसद, पूर्व खेलकुद मन्त्री एवं नेपाली कांग्रेसका प्रभावशाली नेता राजेन्द्र कुमार केसीले दिपप्रज्वलन गरी उक्त खेलको उद्घाटन गर्नुभएको हो ।  उद्घाटन समारोहमा बोल्दै सांसद एवं नेता केसीले खेलाडी मुलुकका गहना हुन्, खेल र खेलाडीको विकासले मुलुकको अवस्था जनाउने बताए । त्यसैगरी खेल खेल्नको लागि मात्र नभई शारिरीक र मानसिक रुपमा स्वस्थ हुने बताउनु भयो । खेल र खेलाडीले देशको ओज र तेज बढाउने समेत उहाँले बताउनु भयो ।


उहाँले नेपालमा खेललाई प्राथमिकतामा राखि युवा तथा खेलकुद मन्त्रालय नै खडा गरि खेल र खेलाडीको विकासको लागि सरकारबाट नै सहयोग भएको बताउनु भयो । कार्यक्रमको विशिष्ट अतिथिमा दक्षिणकाली नगरपालिकाका नगर प्रमुख मोहन बस्नेत, उपप्रमुख बसन्ती डंगोल तामाङ हुनुहुन्छ ।


विशेष अतिथिमा एसियाली प्रमुख विश्व कराते संगठन WKO का जेबी सुजोतो उक्त खेलमा भाग लिन आइपुग्नु भएको हो । उक्त कार्यक्रमका अतिथिहरुमा विभिन्न वडाका वडा अध्यक्ष, प्रतिष्ठानका संस्थापक ,समाजसेवी, स्वयं सेवक लगायत सबै खेलाडी, रेफ्रि, अफिसियल, खेलप्रेमी दर्शक, पत्रकार, सुरक्षाकर्मीहरुको सहभागिता थियो ।


 साथै कार्यक्रममा रुदाक्षको माला र ब्याच वितरण गरी अतिथि सम्मान तथा स्वागत राजेश तामाङ महासचिव नेपाल सिनक्योकुसिन काई कराते संघले गरेको थियो । बुबा कृष्ण गुरुङ र आमा लिला थापामगरका छोरा केविन रोहन गुरुङको सम्झनामा कार्यक्रम गरिएको हो ।


कार्यक्रममा IKFF नेपाल प्रमुख तथा नेपाल फुल कन्टयाक्ट पूर्वचिफ कोच स्यान प्रमनाथ श्रेष्ठ, नेपाल फुल कन्टयाक्ट चिफ कोच तथा बादोकाईदो कराते नेपाल प्रमुख काजीमान श्रेष्ठ, सो– क्मोकुसिन करातेका नेपाल प्रमुख राजकुमार श्रेष्ठ IKFF नेपाल प्रमुख प्रेम लामा, क्योकसिन कान चीफ सुभाष काफ्लेको उपस्थितिमा कार्यक्रम उद्घाटन गरिएको संयोजक विनोद गुरुङले बताउनु भयो । 

प्रतिकृया