४ मंसिर, २०७९, धनगढी : बाजुराको त्रिवेणीमा गोली चल्दा एक जनाको मृत्यु भएको छ। त्रिवेणी नगरपालिका वडा नम्बर ७ स्थित मतदान केन्द्रमा सुरक्षाकर्मीले चलाएको गोलीले एक जनाको मृत्यु भएको हो । सोही ठाउँका २३ वर्षीय संजिव ऐडीको गोली लागेर मृत्यु भएको वडाध्यक्ष जुद्धबहादुर ऐडीले पुष्टि गरे। उनका अनुसार एक जनाको मृत्यु भयो अन्य स्थानीयहरु घाइते छन्। यहाँ अवस्था त्रासपूर्ण छ। कोलाहल र रुवाबासी चलेको छ। स्थानीयले प्रहरी प्रशासनविरुद्ध नाराबाजी गरिरहेका छन्।

यस्तै उनका अनुसार गोली चलेपछि आधा दर्जन बढी स्थानीय घाइते भएका छन् । घाइतेहरुको पहिचान हुन सकेको छैन्। घाइतेको उद्धारका लागि नेपाली सेनाको हेलिकप्टर बाजुरा गएको छ। मतदान सकिने बेला विवाद भएपछि प्रहरीले गोली चलाएको बताइएको छ।