२८ असार २०७९, काठमाडौंः नेकपा एकीकृत समाजवादीका अध्यक्ष माधवकुमार नेपाल र चिनियाँ कम्युनिस्ट पार्टीका विदेश विभाग प्रमुख लिउ जियान्चोओबीच भेटवार्ता हुने भएको छ। उनीहरुबीच मंगलबार अपरान्ह ४ बजेपछि भेट हुने बताइएको छ। नेता नेपाल निकट एक नेताका अनुसार नयाँ बानेश्वरस्थित होटल एभरेस्टमा भेटवार्ता हुने कार्यक्रम तय भएको छ।

नेपाल भ्रमणमा रहेका नेता लिउले प्रधानमन्त्री शेरबहादुर देउवा, पूर्वप्रधानमन्त्री तथा माओवादी केन्द्रका अध्यक्ष पुष्पकमल दाहाल प्रचण्डसँग भेटवार्ता गरिसकेका छन्। लिउ अहिले एमाले अध्यक्ष केपी शर्मा ओलीलाई भेट्न बालकोट पुगेका छन्। बिहान १० बजेदेखि बालकोटमा रहेका लिउसँगको वार्ता अझै जारी छ।

लिउले राष्ट्रपति विद्यादेवी भण्डारी, र एकीकृत समाजवादीका सम्मानित नेता झलनाथ खनाल सँग पनि भेट्न कार्यक्रम छ।