१० वैशाख २०७९, काठमाडौँ : सत्ता गठबन्धनमा रहेका दलहरुबीच भागबण्डा नमिलेपछि गोरखामा नेपाली कांग्रेस र नेकपा माओवादी केन्द्रले छुट्टै छलफल सुरु गरेका छन् । नेपाली कांग्रेस, माओवादी केन्द्र, जनता समाजवादी पार्टी र एकीकृत समाजवादी पार्टीबीचको छलफलले भागबण्डा टुंग्याउन नसकेपछि दुई पार्टीबीच मात्र तालमेलका लागि छलफल भएको हो ।

शनिबार दिउँसो कांग्रेस र माओवादी केन्द्रको केन्द्रीय सदस्यसहितको बैठक बसेको नेताहरुले बताएका छन् । छलफलमा जिल्लाको एघार पालिकामध्ये सात वटाको नेतृत्व कांग्रेसले लिने र बाँकी चार वटाको नेतृत्व माओवादी केन्द्रले लिने गरी सहमति नजिक पुगेको स्रोतले जनाएको छ ।