४ बैशाख २०७९, काठमाडौं राप्रपा नेपाल चितवनका अध्यक्ष विष्णु खरालको घरमा तोडफोड भएको छ । भरतपुर महानगरपालिका–५ कल्याणपुरस्थित खरालको घरमा शनिबार राति तोडफोड भएको हो ।

राप्रपा नेपाल चितवनका उपाध्यक्ष आशिष भट्टराईका अनुसार खरालको घरको झ्यालमा ढुंगाले हानेर सिसा फुटाइएको छ । स्थानीय प्रशासनसगँ घटनाको तत्काल छानबिन गरी दोषी माथि कडा कारबाही गर्न खरालले माग गरेका छन् । खरालले भने, राजनीतिक प्रतिशोधका कारण भएको भए एकदमै अक्षम्य छ ।

घटनाको जानकारी पाउने बित्तिकै अनुसन्धान सुरु गरेको जिल्ला प्रहरी कार्यालय चितवनका प्रवक्ता एवं डिएसपी नरहरि अधिकारीले बताए ।