१ बैशाख २०७९, काठमाडौं : नयाँ वर्षको अवसर पारेर आज (बिहीबार) देखि दुई नयाँ चलचित्र घर संचालनमा आएका छन् । दरबारमार्गमा ‘दरबार सिनेम्याक्स’ र वान सिनेमाले कालिमाटीमा आजबाट संचालनमा ल्याएको हो ।

दरबार मार्गमा रहेको ‘दरबार सिनेम्याक्स’ गुण ग्रुपद्वारा सञ्चालनमा ल्याइएको हो । ५२ र ५३ सिट क्षमताको दुई वटा हल अत्याधुनिक सेवा सुबिधा सहित संचालनमा आएको प्रवन्ध निर्देशक दीप्रस शाक्यकाे दाबी रहेकाे छ । साे हलमा अत्याधुनिक साउण्ड सिस्टम स्क्रिन र अडर अनुसारको खाना र वार सहितको सेवा प्रदान गर्ने गरेर हल संचालनमा आएको हो ।

वान सिनेमाजले काठमाडौंको कालिमाटीमा सञ्चालनमा ल्याएको हल ३०० सिट क्षमताको रहेको वान सिनेमाजका प्रमुख प्रज्वल राणाले बताए । हल कालिमाटी ट्रेड सेन्टरको चौथो तल्लामा रहेको छ । दुबै हलमा आजदेखि ‘केजीएफ च्याप्टर २’ र ‘ए मेरो हजुर ४’ प्रदर्शनमा आएको छ ।