२२ फागुन २०७८, काठमाडौँ : नेपाल वायुसेवा निगमले साउदी अरेवियामा उडान भर्न पाउने भएको छ । निगमलाई साउदी अरेवियाको जेनेरल अथोराइटी अफ सिभिल एभिसन् (गाका) ले आज आइतबार साउदी अरेवियाको रियादस्थित कार्यालयबाट औपचारिक रुपमा निगमका कार्यकारी अध्यक्ष युवराज अधिकारीको उपस्थितिमा निगमलाई उडान अनुमति प्राप्त भएको अध्यक्ष युवराज अधिकारीले जनाएकाे छ ।

यस अनुमति अनुसार नेपाल वायुसेवा निगमले साउदी अरेवियाको रियाद, दमाम तथा जेद्दामा उडान भर्न पाउने अधिकारीले बताए । संस्कुति पर्यटन तथा नागरिक उड्डयन मन्त्री प्रेम बहादुर आलेको विशेष निर्देशन र कार्यकारी अध्यक्ष अधिकारीको पहलमा उडान अनुमति प्राप्त भएको हाे ।

निगमले अप्रिल २०२२ बाट नै व्यावसायिक योजना अनुरुप काठमाडौँ, रियाद, काठमाडौँ सेक्टरमा साताको तीन वटा नियमित उडान शुरु गर्ने भएको छ ।