१६ फागुन २०७८, काठमाडौँ : पूर्वी युक्रेनी सहर कारकिभमा रुसी गोलाबारीमा दर्जनौं सर्वसाधारणको मृत्यु हुनुका साथै सयौं घाइते भएका युक्रेनी अधिकारीहरूले बताएका छन्।

किभका आन्तरिक मन्त्रीका सल्लाहकार एन्टोन हेराश्चेन्कोले फेसबुकमा लेखेका छन्, ‘मस्कोको सेनाले आवासीय क्षेत्रहरूमा ग्रान्ड मिसाइलले बमबारी गरेको थियो र यसबाट दर्जनौं मारिएका छन् र सयौं घाइते भएका छन। सारा संसारले यो त्रास देख्नुपर्छ१’

हालसम्म कति सर्वसाधारण मारिएका छन् भन्ने यकिन भन्न सकिने अवस्था छैन। संयुक्त राष्ट्र मानव अधिकार प्रमुख मिशेल बाचेलेटले कम्तिमा १०२ नागरिक मारिएको र थप ३०४ जना घाइते भएको बताएका छन्।

युक्रेन र रुसका अधिकारीहरुबीच बुधबार दिउँसो बेलारुसमा शान्तिवार्ता भइरहेको अन्तर्राष्ट्रिय सञ्चारमाध्यमहरुले जानकारी दिएका छन्।