१२ फागुन २०७८, काठमाडौं : आज बिहीबार बानेश्वरमा एमसिसीविरूद्ध उत्रिएका प्रदर्शनकारीहरुमाथि प्रहरीले पानीको फोहरा र अश्रुग्यास प्रहार गरेको छ।प्रदर्शनकारीले प्रहरीमाथि ढुंगामुढा गरेपछि भीडलाई तितरबितर पार्न प्रहरीले वाटर क्याननको प्रयोग गरी पानीको फोहराले हानेको हो।

प्रहरीले बनाएको सुरक्षाको घेरालाई प्रदर्शनकारीले तोडे। उनीहरूले धकेलेर घेरा तोडेपछि प्रहरीले लाठी चार्ज गरेको हो। त्यसलगत्तै प्रदर्शनकारीले प्रहरीमाथि ढुंगामुढा गरेका हुन्। भीडलाई तितरबितर पार्न प्रहरीले वाटर क्याननको प्रयोग गरी पानीको फोहराले हानेको हो ।

याे समाचार तयार पारिरहँदा प्रदर्शनकारीहरुले ढुंगा प्रहार गरिरहेका छन् भने प्रदर्शनकारीबिरुद्ध प्रहरीले अश्रु ग्यास प्रहार गरिरहेको छ।