सुनको मूल्य ह्वात्तै बढ्यो, प्रतितोला रु ९९ हजारमा कारोबार

प्रकाशित मिति

२०७८ फाल्गुन १२ गते, बिहीबार ११:५७

१२ फाल्गुन २०७८, काठमाडौं : नेपाली बजारमा आज छापावाल सुनको मूल्य एकैदिन प्रतितोला रु २ हजार ५०० ले बढेको छ । अघिल्लो दिन प्रतितोला रु ९६ हजार ५ सयमा कारोबार भएको सुनको मूल्य आज रु ९९ हजार तोकिएको छ ।

नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु ९८ हजार ५ सय तोकिएको छ । जसको मूल्य बुधबार प्रतितोला रु ९६ हजार थियो ।

त्यस्तै, आज चाँदीको मूल्य अघिल्लो कारोबार मूल्यका तुलनामा प्रतितोला रु ३५ ले बढेर रु एक हजार ३ सय १५ पुगेको महासङ्घले जनाएको छ ।