माओेवादी केन्द्रको केन्द्रीय समिति बैठक स्थगित

प्रकाशित मिति

२०७८ माघ २७ गते, बिहीबार ०४:४०

२७ माघ २०७८, काठमाडौं : माओवादी केन्द्रको २८ र २९ माघमा बोलाइएको केन्द्रीय समिति बैठक स्थगित भएको छ । माओवादी केन्द्रको सचिवालयले विशेष कारणवश केन्द्रीय समिति बैठक स्थगित भएको जनाएको छ। माओवादी केन्द्रका एक नेताका अनुसार कोरोनालाई विशेष कारण देखाएर बैठक सारिएको हो ।

माओवादी केन्द्रले पदाधिकारी छनोट गर्ने भन्दै प्रज्ञा प्रतिष्ठान कमलादीमा दुई दिनका लागि बैठक बोलाएको थियो । माओवादीको राष्ट्रिय महाधिवेशनले अध्यक्ष र केन्द्रीय सदस्य चयन गरे पनि अन्य पदाधिकारी छनोट गर्न सकेको छैन ।