१९ माघ २०७८, काठमाडौं : नेकपा (एमाले) हुम्लाको नवौँ जिल्ला अधिवेशन पुन: स्थगित भएको छ । माघ २३ का लागि तय भएको अधिवेशन कोरोना भाइरसको संक्रमणका कारण स्थगित गरिएको एमाले हुम्लाका कार्यवहाक अध्यक्ष ज्ञामी बुमीले बताए ।

पहिले हिमपातले अधिवेशन हुन नसकेको रअहिले कोरोना बढेको अवस्थामा प्रतिनिधि आउन नसक्ने भएपछि स्थगित गरिएको उनको भनाइ छ ।

एमाले केन्द्रीय कार्यालयले यसअघि ३ माघमा निर्देशन जारी गर्दै २३ माघका लागि अधिवेशन तय गरेको थियो । सरकारले पनि सभा सम्मेलन नगर्न निर्देशन दिइसकेको छ ।

बुमीद्वारा जारी निर्देशनमा कोरोना संक्रमणको अवस्थालाई ध्यानमा राखेर पार्टीका जिल्ला कमिटीका नेतासँग अनौपचारिक सल्लाह गरी अर्को सूचना नभएसम्मका लागि जिल्ला अधिवेशन स्थगित भएको उल्लेख छ ।