२२ पुस २०७८, काठमाडौं : नेपाल स्टक एक्सचेञ्ज (नेप्से) साताको अन्तिम दिन आज विहीबार वृद्धि भएको छ । विहीबार एक सय ६४ कम्पनीको शेयर वृद्धि भएको हो। त्यस्तै २३ कम्पनीको शेयरमा गिरावट देखिएको छ भने ३ कम्पनीको शेयर मूल्य यथावत रहेको छ ।

आज नेप्से ४३.२९ अंकले बढेर दुई हजार ६ सय ९२ दशमलब ४७ विन्दुमा पुगेको छ । साथै, कोरोबार रकममा पनि सुधार भएको छ । आज ३ अर्ब ६७ करोड ७८ लाख बराबरको कारोबार भएको छ । नेप्सेमा मध्यभोटेकोशी जलविद्युत कम्पनीको शेयर मूल्यमा उच्च वृद्धि देखिएको छ ।

त्यस्तै, आज ट्रेडिङ र म्यानुफ्याचसिरङ समूह बाहेक सबै उपसूचकांकमा हरियाली छाएको छ । कारोबारको आधारमा आज सबैभन्दा बढी कारोबार अपी पावरको भएको छ । यस कम्पनीको आज १६ करोड ३७ लाखभन्दा बढीको कारोबार भएको देखिएको छ।