मितेरी डेभलपमेन्ट बैंकले लाभांश पारित गर्न बोलायो साधारणसभा

प्रकाशित मिति

२०७८ पुष ७ गते, बुधबार ११:५०

७ पुस २०७८, काठमाडौँ : मितेरी डेभलपमेन्ट बैंकले १४ प्रतिशत लाभांश पारित गर्न साधारणसभा बोलाएको छ । मंगलबार बसेको सञ्चालक समितिको बैठकले उक्त निर्याय गरेको हो ।

सो कम्पनीले पुष २८ गते बिहान ११ बजे सुनसरी उद्योग वाणिज्य संघ धरानमा बस्नेगरी सभा बोलाएको छ । उक्त सभामा कम्पनिले प्रस्ताव गरेको १३.३० प्रतिशत बोनस शेयर र ०.७० प्रतिशत नगद लाभांश वितरणको प्रस्ताव पारित गर्नेछ ।

उक्त सभा प्रयोजनको लागि कम्पनीले पुष १४ गते देखि पुष २८ गतेसम्मका लागि शेयरधनी किताब खाता बन्द (बुक क्लोज) गर्ने निर्याय गरेको छ ।