२८ मंसिर २०७८, काठमाडौं : सोमबार भारतमा ओमिक्रोनका तीन नयाँ संक्रमित थपिएका छन् । यसका साथै भारतमा ओमिक्रोनका कुल ४१ संक्रमित पुष्टि भएको छ । यीमध्ये दुई संक्रमित महाराष्ट्रमा पाइएका छन् यस्तै एक संक्रमित गुजरातमा भेटिएका हुन् । महाराष्ट्रमा दुई संक्रमितले भ्याक्सिनका दुबै डोज लगाएका थिए ।

राज्यको स्वास्थ्य विभागले भनेको छ, ‘नेशनल इन्स्टिच्युट अफ भाइरोलोजीले आज जारी गरेको रिपोर्ट अनुसार ओमिक्रोनका दुई नयाँ संक्रमित भेटिएका छन् ।’ ‘दुबै बिरामीमा कुनै लक्षण देखिएको छैन र उनीहरुले भ्याक्सिनको दुबै डोज लगाएका थिए ।’

विभागले दिएको जानकारी अनुसार दुबै बिरामीले दुबईको यात्रामा गएका थिए र उनीहरुका तीन नजिकका सम्पर्कको पनि परीक्षण गरियो जुन नेगेटिभ पाइएको छ । यसको एक दिनअघि केरल, आन्ध्र प्रदेश र चंडीगढमा ओमिक्रोनका पहिलो संक्रमित भेटिएकमा थिए ।

(एजेन्सी)