काठमाडौं मंसिर २८, २०७८ : प्रधानमन्त्री तथा नेपाली कांग्रेसका सभापति पदका उम्मेदवार शेरबहादुर देउवा मंगलबार विमलेन्द्र निधिलाई भेट्न उनको निवासमा पुगेका छन् । निधिलाई भेटेर देउवाले दोस्रो चरणको निर्वाचनमा आफूलाई सहयोग गर्न प्रस्ताव गरेका छन् । ससभापति पदका उम्मेदवार निधिले जम्मा २४९ मत ल्याएर उक्त रेसबाट बाहिरिसकेका छन् ।

देउवाले यसअघि सभापति पदकै रेसबाट बाहिरिएका अर्का नेता प्रकाशमान सिंहलाई पनि भेटेका थिए । प्रकाशनमान सिंहले देउवासँगकै भेटमा दोस्रो चरणको निर्वाचनमा आफू र आफ्नो टिमले देउवालाई सघाउने घोषणा गरिसकेका छन् ।

देउवा र दोस्रो बढी मत ल्याएका शेखर कोइरालाबीच सभापति पदका लागि आज अपरान्ह ३:३० बजेदेखि मतदान हुने भएको छ।