९ मंसिर २०७८, काठमाडौं : राप्रपाको आसन्न महाधिवेशनमा नायिका रेखा थापाले राजेन्द्र लिङ्देनलाई साथ दिने भएकी छिन् । मंसिर १५ देखि सुरु हुने महाधिवेशनमा लिङ्देनले अध्यक्षमा उम्मेदवारी घोषणा गरेका छन् ।

थापा राप्रपाकी केन्द्रीय सदस्य हुन् । सबै पार्टीमा युवा पुस्ताले नेतृत्व पाउनुपर्छ भन्ने बहस चलेसंगै लिङ्देनलाई साथ दिन तयार भएको बताएक्ी छिन् ।

महाधिवेशनमा लिङ्देनलाई साथ दिँदा कमल थापाको साथ छाडेको भन्ने अर्थमा नबुझ्न अभिनेत्री थापाले आग्रह समेत गरिन् ।

बि।सं २०७३ मा तत्कालिन राप्रपाका अध्यक्ष कमल थापाको बिचार मन पर्यो भन्दै माओवादी छाडेर राष्ट्रिय प्रजातन्त्र पार्टीमा प्रवेश गरेकी थिइन् । अघिल्लो महाधिवेशनमा थापाले अत्याधिक मतका साथ केन्द्रीय सदस्य जितेकी थिइन् ।