सर्वोच्च अदालतको परिसरबाट दंगा प्रहरी हटाइयो

प्रकाशित मिति

२०७८ मंसिर ६ गते, सोमबार १२:४९

६ मंसिर २०७८, काठमाडौँ : दंगा प्रहरीलाई आज सर्वोच्च अदालत परिसरबाट हटाइएको छ ।

बारको आन्दोलनलाई निस्तेज बनाउन र न्यायालयको सुरक्षाका लागि भन्दै खटाइएका दंगा प्रहरीलाई सोमबार सर्वोच्च अदालत परिसरबाट हटाइएको हो ।

प्रधानन्यायाधीश चोलेन्द्र शमशेर राणाको राजीनामा माग्दै सोमबार पनि नेपाल बार एसोसिएसनले आफ्नो आन्दोलन जारी राखेको छ । आन्दोलित कानुन व्यवसायीहरू अहिले पनि ब्यानरसहित धर्ना दिइरहेका छन् ।

एसएलआरजस्ता अत्याधुनिक हतिायरसहित सुरक्षाकर्मी खटाइएको भन्दै बारले विरोध पनि जनाएको छ ।