ब्राउन सुगरको कारोबारमा श्रीमान्-श्रीमती

प्रकाशित मिति

२०७८ कार्तिक ७ गते, आईतवार ०३:४२

७ कार्तिक, २०७८ काठमाडौँ : सुनसरी प्रहरीले ४१ ग्राम ५ सय ९० मिलिग्राम ब्राउन सुगरसहित एक दम्पतीलाई पक्राउ गरेको छ। पक्राउ पर्नेमा सुनसरीको इटहरी-१४ एकम्बा बस्ने २७ वर्षीय शिवे सरदार र उनकी २८ वर्षीया श्रीमती सगुन माझी सरदार रहेकी छिन्।

शिवेलाई २ सय मिलिग्रामसहित पक्राउ गरेपछि थप अनुसन्धानका क्रममा उनी बस्ने कोठाबाट ४१ ग्राम ३ सय ९० मिलिग्राम ब्राउन सुगर बरामद भएको प्रहरीले जनाएको छ। प्रहरीका अनुसार सरदार दम्पतीले कोठामा तीनवटा पोकामा उक्त ब्राउन सुगर लुकाएर राखेका थिए।