४ कार्तिक, २०७८ काठमाडौँ : बाढी पहिरो र डुबानबाट ८८ जनाको मृत्यु भएको छ भने ३० जना अझै बेपत्ता भएको गृहमन्त्रालयले जनाएको छ । आजमात्रै ११ जनाको मृत्यु भएको छ । यसअघि बुधबार ६३ र मङ्गलबार १४ को मृत्यु भएकाे थियो । विपद्मा परेर पाँचथरमा मात्रै सबैभन्दा बढी २७ जनाको मृत्यु भएको छ । इलाम र डोटीमा १३/१३ जनाको मृत्यु भएको हाे।

यस्तै कालीकोट, बैतडी, डडेलधुरा, बझाङ, हुम्ला, सोलुखुम्बु, प्युठान, धनकुटा, मोरङ, सुनसरी, उदयपुरलगायत १५ जिल्लामा मानवीय क्षति भएको महाशाखाका प्रमुख हुमकला पाण्डेले जानकारी दिए ।

विपद्बाट २० जिल्ला प्रभावित भएको छ । बझाङमा सबैभन्दा बढी २१ जना हराइरहेका छन् । पाँचथरमा चारसहित विभिन्न जिल्लामा गरेर ३० जना बेपत्ता रहेको गृहमन्त्रालयले जनाएको छ ।