काठमाडौं : विभिन्न पाँच विद्यार्थी संगठनले सरकारविरुद्ध बिहीबार सिट्टी जुलुस गरेका छन्। वर्षा भइरहेका बेला उनीहरुले माइतीघरदेखि नयाँ बानेश्वरतर्फ जुलुस निकालेका थिए। ‘महँगी, कुशासन र भष्ट्राचार बन्द गर ’ब्यापारी सरकार मुर्दाबाद’ लगायत उल्लेखित ब्यानर तथा प्लेकार्डसहित उनीहरुले प्रदर्शन गरेका थिए।

नेपाल विद्यार्थी संघ, अनेरास्ववियू (नेपाल-खनाल समूहनिकट), अनेरास्ववियू (क्रान्तिकारी),समाजवादी विद्यार्थी युनियन र अखिल छैटौँले संयुक्तरुपमा आन्दोलन सुरु गरेका हुन्। उनीहरुले देशैभर सिट्टी जुलुस निकालेका हुन्।