काठमाडौं: युभेन्ट्स कोपा इटालिया फुटबलको फाइनलमा प्रवेश गरेको छ। मंगलबार राति सम्पन्न सेमिफाइनलको दोस्रो लिगमा गोलरहित बराबरी खेलेपनी समग्रमा २–१ को जित निकाल्दै युभेन्ट्स कोपा इटालिया फुटबलको फाइनलमा प्रवेश गरेको हो।

यस अघी युभेन्ट्सले इन्टरको घरेलु मैदानमा सम्पन्न पहिलो लिगमा २–१ गोल अन्तरको जित निकालेको थियो।

मंगलबार राति भएको सेमिफाइनलको दोस्रो लिगमा युभेन्ट्स र इन्टरले गोलरहित बराबरी खेलेका थिए।

युभेन्ट्स लगातार दोस्रो सिजन कोपा इटालियाको फाइनलमा प्रवेश गरेको हो। अघिल्लो सिजन युभेन्ट्स नापोलीसँग फाइनलमा पेनाल्टी सुटआउटमा ४–२ ले पराजित भएको थियो।

अब उपाधिको लागि युभेन्ट्सले नापोली र एटलान्टाबीचको विजेतासँग खेल्नेछ।पहिलो लिगमा गोलरहित बराबरी खेलेका नापोली र एटलान्टा बीचको दोस्रो लेग बुधबार राति हुनेछ। कोपा इटालियाको फाइनल मे १९ मा खेलिने छ।