एजेन्सीः क्रोयसियामा ६ दशमलव ४ रेक्टर स्केलको भूकम्प गएको छ ।

क्रोएसियामा नेपाली समयअनुसार मंगलबार अपरान्ह ६ दशमलव ४ रेक्टर स्केलको भूकम्प गएको हो ।

भूकम्पका कारण कम्तीमा ७ जनाको मृत्यु भएको छ । मृत्यु हुनेमध्ये १ जना १२ वर्षीया बालिका समेत रहेको बीबीसीले जनाएको छ । हजारौं मानिस घाइते भएका छन् भने सयौं घरहरू भत्किएका छन् । अहिले पनि उद्दारको कार्य जारी रहेको सरकारी अधिारीहरुले जनाएका छन् ।

भूकम्पको धक्का क्रोएसियाभर मात्र होइन सर्विया, बोस्निया( हर्जगोभिना र अस्ट्रियासम्म महशुस गरिएको बताइएको छ । सोमबार पनि क्रोयसियामा ५.२ रेक्टर स्केलको भूकम्पको कम्पन महसुस गरिएको थियो ।