काठमाडौं, नेपालमा २०७२ सालमा गएको भुकम्पबाट क्षती भए भएका घर पुननिर्माण गर्ने क्रममा भारतले ५० हजार घर निर्माण गर्ने प्रतिवद्धता गरेको थीयो । जस अनुसार हाल सम्म ४६ हजार घर निर्माण भएका छन् । नेपाल भारतबीच संयुक्त निरीक्षण संयन्त्रण (ओभरसाइट मेकानिजम) को सोमबार आज काठमाडौंमा सम्पन्न बैठकमा भारतीय पक्षले सो जानकारी दिएको हो ।

नक्सा विवादपछि दुई देशबीच यो पहिलो औपचारिक बैठक हो । बैठकमा नेपालका तर्फबाट परराष्ट्र सचिव शंकरदास बैरागी र भारतका तर्फबाट भारतीय राजदूत विनय मोहन क्वात्रा सहभागी थीए ।

कोरोनाका कारण भिडियो कन्फरेन्समार्फत भएको बैठकमा विशेष गरी भारतको सहयोगमा सञ्चालित परियोजनाहरुमा केन्द्रित रहेर कुराकानी भएको परराष्ट्र मन्त्रालयले जनाएको छ ।

बैठकमा २०७२ सालको भूकम्पले भत्किएका ५० हजार घर निर्माण गरिदिन भारतीय पक्षले प्रतिवद्धता जाहेर गरेअनुसार ४६ हजार ३०१ घर निर्माण भएको भारतीय राजदूतले जानकारी दिए । नेपाल पक्षले समग्र परियोजनाको समीक्षा गर्दै कोरोना विरुद्धको लडाइमा भारतीय सहयोगका लागि धन्यवाद दिएको छ ।