काठमाडौं, सत्तारुढ दल नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ गृहजिल्ला चितवन पुग्नुभएको छ । आज अपरान्ह बाढीपहिरोले पुर्याएको क्षतिको अवलोकन गर्न चितवन पुग्नु भएको हो ।

उहाँले प्रधानमन्त्री तथा पार्टी अध्यक्ष केपी शर्मा ओलीसँगको भेटवार्ता छोडेर गृहजिल्ला चितवन पुगेको बुझिइएको छ । दाहालको सचिवालयले जनाएअनुसार उहाँले

नारायणी नदीले कटान गरेको मेघौली र माडी क्षेत्रको स्थलगत अवलोकन गर्नु भएको थियो । उक्त क्षेत्रमा तत्कालै तटबन्ध बनाईने आश्वासन दाहाललले स्थानीयहरुलाई दिनुभएको बुझिइएको छ । आफू प्रधानमन्त्री ओलीसँगको बैठक छोडेर बाढिपहिरोले पुर्याएको क्षति अवलोकन गर्न आएको कुरा दाहालले बताउनु भएको थियो ।