बारा । धारिलो हतियार प्रहार गरी घाइते बनाएको अभियोगमा २ जना शनिबार राति पक्राउ परेका छन् ।

राजेश माझीलाई धारिलो हतियार खुर्पा प्रहार गरी घाइते बनाएको अभियोगमा २ जनालाई प्रहरीले पक्राउ गरेको छ ।पक्राउ पर्नेहरुमा जितपुर सिमरा उपमहानगरपालिका बजनीका सुरज लामा र उनकै मामा पासाङ लामा रहेका छन् ।

सुरजसँगको सामान्य बादबिबादमा नै धारिलो हतियार प्रहार गर्दा माझी घाइते भएपछि ईलाका प्रहरी कार्यालय सिमराबाट खटिएको प्रहरीले घटनामा संलग्न उनीहरुलाई पक्राउ गरेको जनाएको छ । घाइते माझीको अल्पाइन अस्पताल सिमरामा उपचार भइरहेको छ । यस सम्बन्धमा प्रहरीले थप अनुसन्धान गरिरहेको ईलाका प्रहरी कार्यालय सिमराले जनाएको छ ।