हत्याकाठमाडौं । रुपन्देहीको तिलोत्तमा नगरपालिका १० कान्छीबजारमा पाँच जनाको कोदालो प्रहारबाट सामूहिक हत्या भएको खुलासा भएको छ ।

स्थानीय गंगादेवी पशु फार्मका एक कामदारले त्यहाँ कार्यरत ५ जनालाई गएराति कोदालो प्रहार गरि हत्या गरेको खुलेको जिल्ला प्रहरी कार्यालय रूपन्देहीका एसपी हेमकुमार थापाले जानकारी दिएका छन् ।

हत्या गरिएकामा माधव मुसहर, जानकी मुसहर, कोषराज मुसहर, करन चौधरी र आशिष चौधरी गरि ४ पुरूष र एक महिला रहेको एसपी थापाले जानकारी दिएका छन् । मृत्यु हुने २ जना श्रीमान् श्रीमती रहेका छन् ।

हत्याको आशंकामा सुर्खेतका अन्दाजी ३२ वर्षीय झपेन्द्र सिंह सिंजालीलाई नियन्त्रणमा लिइएको छ । घटनाको थप अनुसन्धान भइरहेको छ ।