काठमाडौं । आज २५६४ औं बुद्धजयन्ती दीप प्रज्वलन गरी मनाइएको छ । गौतम बुद्धको जन्म, बुद्धत्व प्राप्ति र महापरिनिर्वाण प्राप्ति (निधन) भएको वैशाख शुक्ल पूणिर्मा (आज)को दिनलाई बौद्ध धर्मावलम्बीले बुद्ध जयन्तीका रुपमा श्रद्धापूर्वक यो दिनलाई मनाउने गर्छन् । आज प्रधानमन्त्री केपी शर्मा ओलीको उपस्थितिमा बालुवाटारमा दीप प्रज्वलन गरिएको छ ।

सरकारले कोरोना महामारीसंग लड्न साँझ दीप प्रज्वलन गर्न आग्रह नै गरेको थियो । त्यस्तै काठमाण्डौको बौद्धनाथ बुद्ध धर्मावलम्बीहरुको एक प्रमुख धार्मिकस्थल हो । हरक वर्ष वौद्ध जयन्तीमा यहाँ सयौं मानिसहरु दर्शन, पूजापाठ र प्रार्थनाका लागि जाने गर्दथे। तर यस वर्ष कोरोना भाइरसको महामारी नियन्‍त्रणा लागि सरकारले गरेको लकडाउनका कारण धेरै मानिस उपस्थित हुन सकेनन् ।