काठमाडौँ, महिला उद्यमी महासङ्घ नेपालद्धारा महिला उद्यमी भेला मंसिर ३ गते देखि काठमाडौँमा हुने भएको छ ।

मङ्सिर ३ र ४ गरी दुई दिन हुने उक्त भेलामा महिला उद्यमीले सञ्चालन गरेका उद्योगको अवस्था, बर्सेनि बढी रहेको व्यापार घाटा न्यूनीकरण गर्न उनीहरुले निर्वाह गर्नुपर्ने भूमिका, उद्यमशीलताको विकासका लागि महिलाको सहभागिता लगायत विषयमा छलफल गरिने भएको छ ।

देशका विभिन्न भागबाट आएका महिला उद्यमीबीच मङ्सिर ३ गते विभिन्न उद्योगको अवस्था तथा १०० महिला उद्यमीको छलफल गरिने र मङ्सिर ४ गते प्रज्ञा प्रतिष्ठानमा एक हजार महिला उद्यमीको भेला गरिने छ ।

करिब डेढ दशक अगाडि स्थापना भएको यो संस्थाले औद्योगिक नीति निर्माण तथा निर्णय प्रक्रियामा महिला उद्यमीको हक अधिकारका बारेमा वकालत गर्दै आएको छ ।