काठमाण्डौ, एन व्याब्सन कागेश्वरी मनोहरा नगर कमिटीद्धारा शिक्षक फुटबल प्रतियोगिता आयोजना गरिने भएको छ । विगत बर्ष झै यस वर्ष पनि दशैको अवसरमा स्कुलहरुको सम्बन्धहरु अझ राम्रो बनाउनका लागि यस प्रतियोगिताको आयोजना गर्ने भएको हो ।

प्रतियोगितामा सहभागी हुन एन व्याब्सनका सदस्य विद्यालयका शिक्षकहरु पाउने छन् र शिक्षकको प्रमाणपत्र अनिवार्य हुनु पर्ने आयोजक समितिले जनाएको छ । प्रतियोगिता असोज १० गते देखि तीन दिन सम्म रहने छ । प्रतियोगितामा सहभागी हुनका लागि इन्ट्री फि रु तीन हजार पाँच सय रहेको छ ।

प्रतियोगितामा प्रथम हुने टिमलाई खसी र दोस्रो हुने टिमलाई कुखुर उपहार रहेको आयोजक समितिले जनाएको छ । प्रतियोगिता अर्किड प्युपल स्कुलमा आयोजना हुनेछ । विगत बर्षदेखि नै एन व्याब्सन कागेश्वरी मनोहरा नगर कमिटीले शिक्षक फुटबल प्रातियोगिता गर्दे आएको छ ।