काठमाडौंः किर्गिस्थानमा जारी नादेझ्दा कपको उपाधिका लागि आज बिहिबार नेपालले बलियो प्रतिद्वन्द्वी उज्वेकिस्तानको सामना गर्दैछ । काराकोलस्थित सेन्ट्रल स्टेडियममा हुने खेल नेपाली समय अनुसार अपरान्ह पौने ४ बजे सुरु हुनेछ ।किर्गीस्तानले पहिलो पटक चार टिमलाई सहभागीता गराउँदै नादेझ्दा कप आयोजना गरेको हो । राउण्ड रोविनका आधारमा खेलाइएको प्रतियोगितामा शीर्ष दुई उपाधिका लागि भिड्न लागेका हुन् ।

नेपाल पहिलो पटक प्रतियोगितामा सहभागी भएर उपाधिनजिक पुगेको हो । पहिलो पटक अन्तराष्ट्रिय उपाधि जित्ने अभियानमा रहेको नेपाललाई समुह चरणमा उज्वेकिस्तानसँग ब्यहोरेको हारको बदला लिने अवसर समेत प्राप्त छ ।