पर्सा,बीरगंज महानगरपालिकाबाट पाँच जना पक्राउ परेका छन् । पक्राउ पर्नेमा बीरगंज महानगरपालिका–१८ भवानीपुर बस्ने मोहन साह तेली र उनको २१ वर्षीय छोरा कुन्दन साह तेली रहेका छन् । दुईनाले बाह्रबोर हतियार, सोको गोली राउण्ड ४ र खोका ३ वटा सहित मंगलबार दिउँसो उनीहरुलाई प्रहरीले पक्राउ गरेको छ ।

सोही ठाउँ बस्ने २८ वर्षीय बृजेश कुमार पटेल, २४ वर्षीय बिकेश पटेल र १८ वर्षीय दिपेश पटेल समेत ३ जना बीच घर बनाउने बिषयमा वादविवाद भई झैं–झगडा हुँदा कुन्दनले १ राउण्ड गोली फायर गरेको भन्ने खबर प्राप्त हुनासाथ वडा प्रहरी कार्यालय श्रीपुरबाट खटिएको प्रहरिले उक्त हतियार सहित उनीहरुलाई पक्राउ गरेको हो । यस सम्बन्धमा स्थानीय प्रहरीले थप अनुसन्धान गरिरहेको छ ।