मोरङ, रोजगारीको प्रलोभन देखाई भारततर्फ लैजाँदै गरेको अवस्थामा प्रहरीले ११ जनाको उद्धार गरेको छ । मोरङ उर्लाबारी नगरपालिका—४ बस्ने २६ वर्षीय करन लिम्बु सहित ११ जनालाई बिहीबार राति प्रहरीले उद्धार गरेको हो ।

उनीहरुलाई भारततर्फ लैजाने कार्यमा संलग्न मोरङ उर्लाबारी नगरपालिका—४ बस्ने ४८ वर्षीय फुर्का उराम, ४५ वर्षीया फुल कुमारी उराम र सुनसरी हरिनग्रा गाउँपालिका—७ बस्ने ४० वर्षीय हफिज अन्सारी पक्राउ परेका छन् । उक्त स्थानमा विभिन्न प्रलोभनमा पारी केही व्यक्तिहरूलाई भारततर्फ लाँदै गरेको भन्ने जानकारी प्राप्त हुनासाथ खटिएको प्रहरीले उनीहरुको उद्धार गरी अभियुक्तहरुलाई पक्राउ गरेको हो ।