काठमाडौं, जलश्रोत तथा सिँचाइ विकास डिभिजन भोजपुरका सिनियर डिभिजनल इन्जिनियर मोहनबाबु यादव घुस रकमसहित पक्राउ परेका छन् । हिजो अख्तियार दुरुपयोग अनुसन्धान आयोग इटहरीको टोलीले एक लाख ८० हजार घुससहित पक्राउ गरेको हो । यादवले षडानन्द नगरपालिका(१३ बोयास्थित छाँगे खोला सिँचाइ कार्यक्रमको रनिङ बिल पास गरिदिने शर्तमा सेवाग्राहीसँग घुस लिइरहेको अवस्थामा पक्राउ गरिएको अख्तियारले जनाएको छ ।

अख्तियारका केन्द्रीय प्रवक्ता प्रदीपकुमार कोइरालाले भोजपुर नगरपालिका(७ स्थित फुपू भदैनी होटलबाट यादवलाई रङ्गेहात पक्राउ गरी अनुसन्धान थालिएको बताउनु भयो ।