दार्चुलामा एक जना व्यक्तिले आफ्नै घरमा आगो लगाउँदा श्रीमतीको मृत्यु भएको छ ।

गएराति नौगाडा गाउँपालिका–२ भैंसीमेलामा स्थानीय ३० वर्षीय शेरबहादुर बडालले घरमा आगो लगाउँदा श्रीमती विन्द्रा बडालको मृत्यु भएको प्रहरीले जनाएको छ ।

जिल्ला प्रहरी कार्यालय, दार्चुलाका अनुसार प्रारम्भिक अनुसन्धानमा शेरबहादुरले मादक पदार्थ सेवन गरेर घरमा आगो लगाएको देखिएको र  घरमा उनका बुबा, आमा र ३ जना छोराछोरी पनि बस्थे । उनीहरु भने सकुशल जनाएको छ ।

उक्त घटनामा कसरी विन्द्राको मात्रै मृत्यु भयो भन्नेबारे थप अनुसन्धान भइरहेको प्रहरीले जनाएको छ ।