हयात होटल पुनः सञ्चालनमा

प्रकाशित मिति

२०७६ असार ४ गते, बुधबार ०३:२३

आइतबारदेखि बन्द भएको तारागाउँ रिजेन्सी होटल्स् लिमिटेड (हयात रिजेन्सी, काठमाडौं) आजदेखि पुनः सञ्चालनमा आएको छ ।

श्रम ऐन, २०७४ ले तोकेको सेवा सुविधा पाउनुपर्ने माग गर्दै आन्दोलनमा उत्रेका हयात होटलका कर्मचारीहरु आजदेखि काममा फर्किएका हुन् ।

श्रम तथा रोजगार कार्यालयले मजदूरको माग पूरा गराउन मध्यस्थता गर्ने बताएपछि सम्पूर्ण कर्मचारीहरु काममा फर्किएको अखिल नेपाल होटल क्यासिनो तथा रेष्टुरा मजदूर सङ्घले जानकारी दिएको छ ।

सङ्घका अनुसार मजदूर काममा फर्केपनि व्यवस्थापनले अझै पनि होटल सञ्चालन गरेको छैन । आन्दोलरत मजदूर सबै काममा फर्केका छन् ।

तर होटल व्यवस्थापनले अहिलेसम्म बुकिङ खुला गरेको छैन, व्यवस्थापकले गैरकानूनी बन्द कायमै राखेको छ । मजदूर काममा फर्किए पनि होटलमा कुनै चहलपहल देखिएको छैन ।