काठमाडौं । सत्तारुढ दल नेपाल कम्युनिष्ट पार्टी (नेकपा) का सांसद तथा पूर्व मन्त्री महेश बस्नेतले मन्त्रीमण्डल पूर्नगठन हुने संकेत गर्नुभएको छ् ।

मंगलबार एक टेलिभिजनको कार्यक्रममा बोल्दै सांसद बस्नेतले यस्तो खुलासा गर्नुभएको हो ।

उहाँले भन्नुभयो  “प्रधानमन्त्रीको युरोप भ्रमणपछि र बजेट पास भएपछि मन्त्रीमण्डल पूर्नगठन हुन्छ , प्रधानमन्त्रीले सबैको काम हेरिरहनु भएको छ ।” साथै उहाँले घुमाउरो पारामा आफुले पहिला मन्त्री हुँदा राम्रो काम गरेको भन्दै अब फेरी मन्त्री बन्नसक्ने समेत खुलासा गर्नुभयो।

उहाँले राम्रो काम गर्ने मन्त्रीहरुलाई यथावत राख्ने र नराम्रो काम गर्नेलाई हटाएर नयाँ मन्त्री ल्याउने प्रम ओलीको तयारी रहेको बताउनुभयो।

त्यस्तै, बस्नेतले पार्टीको आगामी महाधिवेशनअघि मतदानबाट नेतृत्वको टुँगो नलाग्ने र आलोपालो प्रधानमन्त्री चलाउने विषयमा पनि केही दिनमात्रै चर्चा भएको साथै स्वयम प्रचण्डले त्यसबारेमा आफ्नो धारणा सार्वजनिक गरेर द्विविधा प्रष्ट्याएको दाबी गर्नुभयो ।