गजल !
प्रकाशित मिति
२०७६ जेष्ठ २० गते, सोमबार १२:२३
उत्सब बजगाईं,
पठाउनेले सौगातमा याद पठाएकाछन्
सजाउनेले मनभित्र राखी सजाएकाछन्
लागेको छ जसलाई यहाँ रोग पिरतीको
न जागेका छन् तिनीहरु न निदाएकाछन्
बैँस मात्र दुनियाँको त्यस्तो खजाना हो
जुन हरकोहीले हांसी हांसी लुटाएकाछन्
अति हुन थालेको छ फुलेको ज्यादती पनि
बेमौसम फकृएर भमरालाई सताएकाछन्
रातमा सुरु भएर बिहानमा सकिन्छ उत्सव
प्रेमको साख अझै मुनामदनले बचाएकाछन् ।।
प्रतिकृया