नवलपरासीमा हावाहुरीले एक बालिकाको मृत्यु भएको छ ।

आइतबार बेलुका आएको हावाहुरीले घरको जस्तापाताले लागेर विनयी त्रिवेणी गाउँपालिका–७ त्रिवेणीकी १० वर्षीया अञ्जली यादवको मृत्यु भएको हो ।

जस्तापाताले लागेर अञ्जलीको घटनास्थलमा नै मृत्यु भएको र अन्य व्यक्तिसमेत घाइते भएको इलाका प्रहरी कार्यालय त्रिवेणीले जानकारी दिएको छ ।

हावाहुरीले विनयी त्रिवेणी वडा नम्बर ६ र ७ मा गरी करिब ८० घरका छानो उडाइदिएको बताइएको छ।

हावाहुरीका कारण नेपाल भारत सीमा त्रिवेणी व्यारेज पुलमा सिसीटिभी अनुगमनका लागि स्थापना गरिएको अस्थायी प्रहरी पोष्टमासमेत क्षति पुगेको छ।