नेपालगञ्ज : अदालतले एमाले र माओवादीलाई अगल गरिदिएपछि पार्टी कार्यालयका बोर्डहरु परिवर्तन हुन थालेको छ। सावितको एमालेको नेपालगञ्जस्थित पार्टी कार्यालयमा राखिएको नेकपाको बोर्ड हटाइएको छ। एमाले कार्यकर्ताहरुले नेकपा एमाले लेखेको बोर्ड राखेका छन्।

अदालतले एमाले र माओवादीलाई अलग गरेपछि आइतबार नै साँझ पार्टी कार्यालयमा आएर दीप प्रज्वलन गरेका कार्यकर्ताले सोमबार साइड बोर्ड परिवर्तन गरेका छन् । नेताहरु देवराज भार, सूर्य ढकाल, किस्मत कक्षपति, प्रमोद धिताल, दत्तप्रसाद आचार्य, अशोक कर्माचार्यलगायतको टोलीले पार्टी कार्यालयमा पुगेर साइड बोर्ड परिवर्तन गरेका हुन् ।