काठमाडौं: लोक स्टार विजेता गायक शनि विश्वकर्मा र समीक्षा अधिकारीको स्वरमा ‘ज्यानमारा मुस्कानु’ बोलको म्युजिक भिडियो सार्वजनिक भएको छ। गीतमा दुर्लभ केसीको शब्द रहेको छ भने आशिष अविरलको संगीत संयोजन रहेको छ।

गीतको म्युजिक भिडियोमा नायक पल शाह र स्वस्तिमा खड्काको धमाकेदार अभिनय देख्न सकिन्छ। युवा युवती बिचको प्रेम र आकर्षणलाई प्रस्तुत गरिएको यो गीतले छोटो समयमा नै दर्शकको मन जित्न सफल भएको छ।

सुबोल थापाले कोरियोग्राफी गरेको यस गीतको भिडियोलाई अर्जुन तिवारीले छायांकन गरेका हुन भने भिडियोमा नविन निरौलाको सम्पादन रहेको छ।
भरत बहादुर बस्नेत र दुर्लभ केसी निर्माता रहेको यस भिडियोलाई गम्भीर बिस्टको निर्देशनमा भिडियो तयार पारिएको हो।