एजेन्सी । भारतको उत्तर प्रदेशको मुजफ्फरनगरमा एक बालिकालाई सामुहिक बलात्कारपछि जिउँदै जलाइएको बताइएको छ ।
सोही हत्याको विरोधमा ७ जनाविरुद्ध मुद्दा दर्ता गरिएको छ ।

इन्डियन एक्सप्रेसका अनुसार, ती ७ जनामाथि १४ वर्षीया बालिकालाई सामुहिक बलात्कार गरेको र त्यसपछि जिउँदै जलाएर हत्या गरेको आरोप लागेको छ ।

यद्यपी, अहिलेसम्म कसैलाई पनि पक्राउ गरिएको छैन । पुलिसले पीडितका पिताको उजुरीपछि मुद्दा दर्ता गरेको जानकारी दिएको छ ।
खबर अनुसार मृतक किशोरी एक इट्टा भट्टामा काम गर्थिन् । सोही आसंकामा इट्टा भट्टाका मालिक र अन्य ६ व्यक्तिविरुद्ध बलात्कारको मुद्दा दर्ता गरिएको छ ।