जेठ १४ । ‘द भ्वाइस अफ नेपाल’का विजेता गायक सिडी विजय अधिकरीले आफ्नो पहिलो आधुनिक गीत ‘थरी थरी माया’ सार्वजनिक गरेका छन् । उक्त गीतको भिडियोलाई युटुुबमार्फत सार्वजनिक गरिएको हो ।

घनश्याम श्रेष्ठको शब्दमा आधुनिक प्रेमलाई दर्शाउन खोजेको यस गीतलाई सिडी विजयले गाएका हुन् । सार्वजनिक गरिएको यस गीतको म्युजिक भिडियोमा मोडल अनील अधिकारी, मेलिषा खतिवडा र पुरुषोत्तम भारतीको प्रस्तुति देख्न सकिन्छ ।

यस भिडियोलाई निकेश खड्काले निर्देशन गरेका छन् । विकाश धमलाको सम्पादन रहेको यस गीतको भिडियोलाई सरोज अधिकारीले छायांकन गरेका छन् । यसअघि पनि सिडी विजयका धेरै गीतहरु सार्वजनिक भएका थिए ।

तर, उनको यो पहिलो आधुनिक गीत भएका कारण आफ्ना सबै गीतहरुमध्ये गायक सिडी विजय अधिकरिले यस गीतबाट अलि धेरै बढी आशा राखेको बताएका छन् ।