पाल्पाः नेपाली काँग्रेस पाल्पाको पार्टी कार्यालयमा अज्ञात समूहद्वारा तोडफोड भएको छ । विहीबार राती तानसेन नगरपालिका ४ सिल्खानटोलमा रहेको पार्टी कार्यालयको मूलगेटको ताला फोरेर चोरीको प्रयास गरिएको हो । कार्यालयमा रहेका दराज, कम्युटर, र्‍याकहरुमा तोडफोड भएको पार्टी सचिव झपेन्द्र गहिरेले जानकारी दिए ।

उनका अनुसार मुल ढोकाको ताल फोरेर दोस्रो तलामा रहेको ट्रेड युनियनका सभापतिको कोठामा रहेको र्‍याक,त्यस्तै तेस्रो तलामा रहेको पार्टी सभापतीको र्‍याक, कम्प्युटर कोठाको र्‍याक, पार्टी सचिवको कोठामा रहेको र्‍याक, कोषाध्यक्षको कोठामा रहेका दराज र कुर्ची फोरिएको छ । उक्त सामग्री तोडफोडबाट कार्यालयको झण्डै एक लाख भन्दाबढीको क्षति भएको अनुमान गरिएको छ ।